第一站，離開胡志明市就去一個中途既穗城會館睇下，都幾靚o既，屋頂上的公仔超細緻，可以用栩栩如生來形容。
裡面其實還有一間廟，所謂入廟要拜神，我地就每人買一個壇香來燒啦!
之後，我地去左有d遠o既美拖市，坐船去冇椰子o既椰子島，睇下以前個傻o既椰子教主，係島上面做o既傻事。
但最好笑o既係，個島主日日派錢比人聽佢講道理，仲係美國登月之後，造左個登月o既架，日日找人拉佢上去登月，終於有一日，登月登到跌左落地......哈哈! 最後就比當地政府收佢檔。
之後再去下一個島，都係d賣下野既地方，最後去到一個草棚坐底食下生果，聽下越南歌，睇下都OK o既!
跟住食完飯又係坐1個鐘車回胡志明市.......。
首先去行下戰爭記念博物館，實境就冇嘜好睇，都係d係戲裡睇過o既飛機大炮，反而館入面既相，好多都係當時戰地記者影既相最好睇，最有意思，不過冇冷氣，超熱............超焗........。
之後再去市中心，睇下建築物影下景點.........。
到左最後一站，就係去食雪糕，有d名氣但冇嘜特別，不過我都叫左個大約HK$90.00的10球雪糕。
食飯前最後一個行程就係.........水中木偶戲，睇完，叫做見識過.....吧!
之後食完飯就番酒店，去找全日既高潮所在"法麭"檔，今晚問完領隊，終於知道確實位置，為免又買唔到，一落車，唔番酒店房就直去買法麭。
買番酒店食，雖然真係好飽，但都照食，不過真係好好食。
今日行程相簿，如想看大一點的版本，請在以下圖片按一下 :
今日行程加精選相片 :
在較大的地圖上查看2009-10-14 越南胡志明市
沒有留言:
發佈留言