2009年10月13日 - 越南之旅 - 第二天

第二天一早06:30 morning call，真係有D想死 (原本話要06:00，D人唔滿意先遲多半個鐘)，人未訓醒，就話要去食早餐，之前個晚宵夜都未消化晒。


自助早餐，都唔錯!

我地第一站行程就係去耶穌山，係有一個好大o既耶穌像的地方，就像縮小版大佛。

上到去耶穌像o既手臂，就可以睇到頭頓市海灘同風景 。

係手臂望出去手掌就係咁架啦!

行完耶穌像，就係自費項目......三輪車遊街(視眾)......... :(
睇下風景 (但唔夠高....)，吹下風，總之 not my cup of tea.........

坐左大約40分鐘，就來到頭頓市中心公園.......冇野可以講.....

影左一陣相，就番去坐車，開車前，車伕仲問我地拿HK$20.00.......

坐完番酒店，仲有1個鐘沖涼同取行李，就去海灘行下，好靚呀! 可惜比人昆左去坐三輪車，浪費晒d時間......................................... :( 。

收拾完行李上車，就遊下市中心啦! 這裡是"南海翁陵"，其實有故仔，話說唔知幾耐之前，有隻好大o既鯨魚，係打風時(聽講話十幾年先會打得中一次)，將隻魚船係風暴中推埋岸，救左隻魚船，但條鯨就死左，所以當地居民就將成隻鯨魚o既骨放係廟來供奉。

行完又係食飯時間，係"華英"食中餐，食就過得去啦! 但有自費既甜品"耶子大菜糕"最好食，簡直係全日高潮所在，一流!

如果唔係咁飽，真係買多個係車食。 正正正正正!................

跟住又係坐個半鐘車番胡志明市，又係睡覺既時間........番到去市中心，又見到好壯觀既"交通擠塞"。 之後都係行博物館呀，手工藝工場個d啦，下刪一千字...........。

之後去會所食飯，環境和食物都好好，但就冇嘜特別。咁就番酒店啦，我地今次係住三間之中最差果間，不過係市中心，夜晚行都比較方便。

先行超市睇下有嘜買，就係傳說中既法麭鋪買法麭食，但找左好耐都找唔到，只有放棄.......。

咁就去傳說第二位既越南牛河店 "Pho24" 食生熟牛肉河和春卷，牛河比較咸，味就ok，春卷幾好，但比較乾身。



食完去旁邊便利店買支裝水，但比我見到第二個地方有韓國哈密瓜雪條，好味! 已經係今日第二支，第一支係頭頓市o既 Sammy Hotel Lobby Bar 買既。

不過真係有個問題唔明，點解越南會有咁多韓國餐廳和韓國食物........韓國人就一個都見唔到。

今日行程相簿，如想看大一點的版本，請在以下圖片按一下 :

今日行程加精選相片 :

在較大的地圖上查看2009-10-13 越南胡志明