這天行程非常豐富，所以要在 06:45出門，即要05:45起身，06:15去食早餐，最後係06:35先到餐廳啦! 咁早都唔係好多野食放出來，是但食d野就到lobby 找今天接送我的玩激流公司所派出的司機上車，而導遊 Jason 因唔識游水，所以唔會跟我地去，安排左另一個人陪我們，而今天將會和Forum 內網友Wing的一團5人一齊玩，即共8人，但佢地住係Megallen Satura Hotel，07:30 先去接他們，可以睡晚一點才起身。
上左o架貨 Van 坐約30分鐘就轉要轉o架中巴，再去接其他人，咁最後就到Megallen 接埋Wing 等人就前往火車站 Stesen Keretapi Beaufort。
就係這o架中巴
火車站 Stesen Keretapi Beaufort
火車站內拍
話說這o架柴油火車得4卡，一卡貨板一卡行李卡(其實都係載人，不過係企位)和一卡客車(有坐位)，但碰巧是伊斯蘭新年第二天，咁就好多人去玩激流。其中帶隊的一個馬拉妹仲好搞笑咁大聲用廣東話大叫 "霸位呀! 霸位呀! 靠自己去霸位呀! 搶呀! 走佬呀! 你地呀!"
咁我地見到咁細個車箱又多人，咁就去坐貨板算數，即係得塊板嘜都冇，下面段片見到火車頭拉住第一卡，載住好多貨果塊，出發時間為10:32分，去片。
坐左上去鬼咁迫，身都冇得轉，之後開車啦，點知係拉走塊貨板轉火車頭去調頭，咁一搞，又曬多20分鐘，搞左一輪，終於開車啦! 去片!
途中o架左右兩邊"西"，想睇下點"西"法? 繼續去片!
架火車沿途都死左火十幾次，好多次仲係停中途站後就死火，不過好彩次次都開得番。
話咁快就到左激流o既終點站(其實真係好耐，到達時間為12:45，足足坐左2小時13分鐘，坐到兩隻腳都庳晒，差d唔識行)，跟著即時去換衫，換完仲要跑番去架火車，再坐去起點! 但這程就慘啦! 因為我地坐落去之前冇晒d貨，加上出猛太陽，貨板即時變鐵板燒，到我地坐落去，PatPat 有難啦!
而這段我坐係邊位，係貼住條邊黎坐，只要大力一"西"，保證就"西"左出塊貨板外面，跌落路軌。而沿途就可以睇到果條激流有幾激，去片!
就係咁，我地就到左Starting Point 。
一來到請我地食蕉先，任食! 點幾鐘都未食午餐，一陣又要大運動量，梗係食番兩隻先，比較生少少，都還可以!
咁經過一輪講解之後就開船，咁今日帶我地既就係 Denial 啦! 就係上圖左下角果位。
首先講解一下隻艇o既坐法，如下圖，1和3要坐大隻佬，2號可以坐一個輕磅既人，作用係拉住1和3那兩個人，唔好比佢地跌出去，因浪一來首當其衝就係1和3食晒。
途中經過幾次大浪，我自己就坐4號位，有幾次我都跌番入艇，但咁有幾次好彩2號位女士向後跌，咁Q我就跌入艇，可以頂住唔好比佢跌到向後"訓低"。
咁當中Denial 試過扯過幾個人落河都唔成功，最一個彎之前佢再扯，點知扯個女仔都扯唔到，佢自己就跌左落河，落左水佢再扯另一個大隻佬，點知扯到"訓"左艇邊，一半出左艇都唔跌(我都有份係咁"易"扶住佢隻腳)，但都冇跌出艇，咁佢就自己上番隻艇。
過埋最後一個彎，頭先個大隻佬話想試下落水，就自己向後跌，再上番船，不過佢好重，我地有二個人(包括我在內)，冇嘜力咁扯佢上來，但佢實在太重，好辛苦先扯到佢上左上半身，之後佢自己上番艇就埋岸啦!
玩完上岸就嘜力都冇晒，但已經14:51分，好晚了，仲要沖身換衫食飯，跟著見到仲有時間就買左二張相，係一張用Printer 印出來約16R和一張未剪開o既4張4R，之後還要趕15:50分的火車出番去，如果趕唔到，個晚唔使走啦! 好趕呀!
自助餐，不過都係果幾樣野，都可以食得下o既! 好肚餓呀!
都唔知係好彩定唔好彩，火車又遲到，但我地都有早到，但一到好鬼窄既月台就落好鬼大雨，正所謂沒圖沒真相，比兩張圖你睇下，前後唔超過5分鐘............
落雨前~
落雨中
落雨時一個當地居民為避雨到貨卡下........
就係咁等左好耐，火車鐘於都到啦，但今次塊貨板放左架好舊既黃色車上去，冇左2/3空位，加上落雨，我地就迫左入貨卡再行入行李卡好彩都有位，不過要全程企住返去，因為地下唔係好乾淨，但當地人就冇理，照坐在地上，勁!
貨卡內企滿遊客和坐滿當地居民
等左好耐火車終於都響號開，一開車就例必會"chop"一下，但今次出市區速度明顯快過入去好多，架車好像上左身咁，高速行駛，再加上下大雨，一邊係河，一邊係山，情況有d似未拍既"生死時速3 - 柴油火車 高速之謎"，都係果句"沒圖沒真相"，去片!
雖然架火車沿途都繼續"高速"，但回程覺得比去程長了一半的感覺，唔知同只可以企冇得坐有冇關係...............
坐左好耐，天都就快黑既時候，就到左總站落車，到站時間為17:45，，車程共1小時45分鐘。一出車站就見到約好左既導遊 Jason 係門口等我地，一行8人即時上貨 Van ，驅車前往去紅樹林睇長鼻猴和螢火蟲。
8個人在架冷氣車內全部"訓"著晒，好似訓左好耐咁，但睇番架GPS Record，架車只係用18分鐘就由Beaufort 火車站到紅樹林，平均時速為60-80 km/h 唔算開得好快，條路亦好平穩。
當到左一間餐廳o既前面就停低左，穿過之後就到左附設o既碼頭，上快艇去睇長鼻猴啦。
開船後不久，我地連樹都睇唔到邊棵打邊棵既情況下，船家話見到一隻長鼻猴， Jason 即時用小形射燈照來照去，終於睇到一隻唔知嘜野既野坐係到動也不動，佢地話係長鼻猴，我地8個人冇人可以睇到佢個鼻.................... ，Jason 就話我地知果隻係雌性.....................去片!
這張相一開船冇幾耐拍既，實際環境比這相還要暗..........
這隻就係佢地話既長鼻猴啦!
咁就繼續開船，去到半路 Jason 照到隻鱷魚，露左兩隻眼係水面，這次我真係見到，但唔夠3秒就潛番落水，但其他人7個人都仲係睇唔到，冇計! 隻艇行到咁上下開始好黑加上閃電越來越勁，咁Jason 就提議我直接去睇螢火蟲啦，咁都好，好過坐隻船發呆。
沿途其實仲零星既螢火蟲飛飛下，再坐多一陣，就到左一棵樹，真係有好多螢火蟲，成棵樹都好似聖誕樹咁，跟我地都搞下野，話棵樹係咪假o架? 咁Jason 叫船家駛埋樹底(棵樹係伸出條河)，咁所有螢火蟲都係我地頭頂啦! 而且仲取一隻比我地睇，係綠色，成隻飛蟻咁，好可惜因太暗影唔到相。
跟著再去睇多幾棵，就番餐廳食飯啦，都係幾味例菜.......都食得下既，不過我地3個人計劃再去海王城食海鮮，所以只係食少少就算啦!
送左同行五個網友番 Megallen 之後，我地轉坐Jason o架私家車(梗係舒服d啦!)，就驅車前往海王城啦 !
到左海王城一進內就見到好多大魚缸，有好多海鮮，價錢都唔係好貴，唔講咁多，自己睇! 去片!
我叫左傳說中既奶油老虎蝦、炒澳洲蟹、炒蜆、椒鹽班馬瀨尿蝦、芝士焗蠔、馬拉盞炒沙巴薯仔菜，埋單都係約HK$1000.00
最好食始終係奶油老虎蝦、椒鹽班馬瀨尿蝦 (好大隻呀!)和馬拉盞炒沙巴薯仔菜，由於我們食完先記得影相，所以冇相睇o架。但隻澳洲蟹個個食完都話唔好食，千祈咪叫。炒蜆就煮得唔好，浪費晒，蜆就好鬼大隻果種............，其他都OK o既!
食飽飽就番酒店訓覺啦，因第二朝又要一早起身去2個島玩!
下面為全日行程圖及相片 :
在較大的地圖上查看2007-10-14 馬來四亞 沙巴
沒有留言:
發佈留言