(以下除了銀行的相片外，都包含GPS 資料，如已安裝 iExif 或 KUSO Exif Viewer 都可以 right click 觀看 google map 內位置。)
早在之前一個月前已計劃去沙巴，原本日期為10月19日至24日，但冇機票，所以改為早一個星期去，變左10月13-18日，去完仲有一日係屋企休息下。
講番今次行程，乘搭航班為港龍航空 KA063，由香港(HKG)直航至亞庇(BKI)，飛機為 AirBus A321，採用3+3座位，以 ABC + HJK編排，飛行時間約3小14分鐘(有推機和泊位的相片為證)，途中冇大氣流出現，飛行平穩，到達亞庇上空出現閃電情況並冇落雨，遲D再講亞庇的比較不同閃電情況，而飛機片過幾個彎後就Landing。
今次我地就係坐這架AirBus A321
來個大頭相，仲上緊餐車o架!
推機啦! 時間為 15:46 (以全球衛星定位系統 GPS 對準時間，偏差不會太大)
食完個餐，再訓一陣就到左亞庇機場啦!
新記肉骨茶
先聲明一下，我自己就唔食o既，但我跟同行友人講，有人在 forum 讚過好食，買一個試下啦，而且都好細個，唔會食唔晒，二個人剛剛好。咁佢地就買左一個，一食落就話好食啦 ! 咁都好d，我唔使比人罵。
為記錄行程既 GPS Travel Record QStarz BT-Q1000同 A321 影張合照先! GO!
推機啦! 時間為 15:46 (以全球衛星定位系統 GPS 對準時間，偏差不會太大)
食完個餐，再訓一陣就到左亞庇機場啦!
但都要講下這班機出現左好多怪物，就係只得一個時你就覺得好可愛，但同一班機內出現20-30個你就會驚既，這種怪物就叫"小朋友"，由1-2月既BB，到7-8歲都有，但有點出奇既係，最靜o既意然係坐我前一排o既1-2個月o既BB，只係個鬼婆媽媽交個BB比鬼佬爸爸時喊左兩聲，全程好乖，但後一排既一對5-7歲o既就不停咁頂我張椅，真係頂佢個肺，成程機冇停過。
過移民局都好快，跟著就去取行李，只有兩條行李帶等左兩三個字就取齊行李步出 Arrival Hall，就見到一早約好左既導遊 Jason，我同佢相認後，就問左佢第一個問題啦! 就係邊間換錢既 rate 好d，原來就係最遠既 MayBank (一出Arrival Hall 轉右黃色招牌果間，都只係幾步路，不過大多數人都唔會去望果邊)，咁換完錢就上 Jason既車離開機場，但因我們住Nexus Resort ，距市區比較遠，所以載住行李去市區食飯先再番去酒店，這麼夜才到沙巴，就先去食肉骨茶，原本想去佑記，經過時看到冇位，咁就改去新記，都唔差，不過冇比較好難講邊間好，總之就唔差啦!
MayBank 換錢好過 Allianz Bank
新記肉骨茶
食飽飽後就去超市買d用品和零食番酒店，坐到半路係車內講到榴槤，咁就決定去買黎食，咁番酒店o既半路就會經過某 Forum 有人講過的 D88 既榴槤檔，咁就停左架車係路邊，但見到個唔知幾時開左o既半邊榴槤，就...................
先聲明一下，我自己就唔食o既，但我跟同行友人講，有人在 forum 讚過好食，買一個試下啦，而且都好細個，唔會食唔晒，二個人剛剛好。咁佢地就買左一個，一食落就話好食啦 ! 咁都好d，我唔使比人罵。
食完再開車，冇幾耐就去到酒店，由於時間夜深，咁就去飲杯Welcome Drink 就番房啦，不過我住8149，係Ocean Wing 最尾數起第二間房，真係行死人，好彩已叫酒店按排第二間房比我，不過間房就幾大，特別係浴室超大，有浴缸和 Shower Box。
沒有留言:
發佈留言