2009年11月5日 - 維記軟雪糕

今天放工如常到快餐店食飯，飯後去百佳買野，行過放雪糕的位置，我多數只會睇到Dreyer's，但又想起，前個月，d雪糕放下面，d雪糕長期半溶狀態，實會有菌，所以次次都唔會買，但今日見到櫃內有一盒雪糕，係軟雪糕，咁就有d興趣啦，原來係維記出既，見佢都幾平，所以買盒試下。

一試就不得了，軟滑香濃朱古力味! 正!

2009年10月16日 - 越南之旅 - 第五天

來到越南之旅最後一天，不過今早搭上午機關係(10:05起飛)，所以又係超早起身，真係問你死唔死................。07:00已經食早餐，唉.......................!

食第三日既自助早餐，樣樣都好食，係冇嘜野適合我飲，搞到我每日都飲"水"。


每晚一定去這間便利店買韓國哈蜜瓜雪條，到左這個朝早，竟然冇晒貨.....唔係掛，有人同我搶食，之前個晚見到仲有1支o架，今朝冇埋，邊Q個同我搶食........ :( 。

就係我拿的這一支。



食完早餐就開車去機場，開車後不久就開始派之前同導遊買既野!

派完野，就到左每人一個法麭，雖然唔夠自己買o既好味，但都唔錯。





行程結束，下面這架就是帶我地番香港既飛機 VN762。

2009年10月15日 - 越南之旅 - 第四天

來到越南第四天，每天都是一早 morning call，實在頂唔順，所以今天早上就唔跟團去古芝地道(以前打越戰時，越共所開的地道)，雖然好值得去睇下，但真係要休息下，真係辛苦過番工。

咁我和獅子大王就九點幾去食早餐，同去酒店天台個游泳池仔游水，成個人精神晒。

之後仲去酒店中菜部等其他團友回來吃飯再出發。

話咁快就等齊人開飯，食完後，因其他團友扒完古芝地道，要回房沖涼，咁我就陪獅子大王去對面 Pho24 飲咖啡。


之後就出發去"焗桑拿"，點焗法? 就係去統一宮(前朝總統府)參觀，冇冷氣，又冇風，逐層行上頂樓，想死!




之後都係行下d市區景點，如紅教堂等等.....



郵電局


之後黃昏就上去全胡志明市最高的大樓 Panorama33 睇風景兼飲杯野。



而今日行程就係咁完啦.....................



今日行程相簿，如想看大一點的版本，請在以下圖片按一下 :



今日行程加精選相片 :

在較大的地圖上查看2009-10-15 越南胡志明市